नथ बुलाक आरू पैजनिया

नथ बुलाक आरू पैजनिया 

--- कुंदन अमिताभ ---

सजनी जे मिललॆ राहॊ मॆं मन भरमैलॊ छै
तोरॊ  बात समझ नै ऐल्हौं
तोरॊ धात समझ नै ऐल्हौं
तोरॊ  रीत समझ नै ऐल्हौं
तोरॊ  गीत समझ नै ऐल्हौं
ऐल्हौं तॆ बस ----
नथ,बुलाक आरू पैजनिया 

सूरज अस्त होय कॆ गंगा घाट पहुँचलॊ छै
तारा सब  देखॊ सोझे अँगना सोझियैलॊ छै
ढघरॊ पर खाली सगरे सन्नाटा छितरैलॊ छै
सजनी जे मिललॆ राहॊ मॆं मन भरमैलॊ छै
तोरॊ  बात समझ नै ऐल्हौं
तोरॊ धात समझ नै ऐल्हौं
तोरॊ  रीत समझ नै ऐल्हौं
तोरॊ  गीत समझ नै ऐल्हौं
ऐल्हौं तॆ बस ----
नथ,बुलाक आरू पैजनिया 

सरदी केरॊ नील गगन पॆ कोहरा  कोहरैलॊ छै
रौद  कहीं दूर पहाड़  के पीछू सीधियैलॊ छै
आगिन के गरमी सॆं ही हर पल नितरैलॊ छै
सजनी जे मिललॆ राहॊ मॆं मन भरमैलॊ छै
तोरॊ  बात समझ नै ऐल्हौं
तोरॊ धात समझ नै ऐल्हौं
तोरॊ  रीत समझ नै ऐल्हौं
तोरॊ  गीत समझ नै ऐल्हौं
ऐल्हौं तॆ बस ----
नथ,बुलाक आरू पैजनिया 

बागॊ  कॆ फूलॊ पर  देखॊ भौंरा  मँडरैलॊ छै
फूलॊ के वास सगर ही हवा मॆं छिरियैलॊ छै
कोयल के कूहू कूहू सॆं कन कन मतियैलॊ छै
सजनी जे मिललॆ राहॊ मॆं मन भरमैलॊ छै
तोरॊ  बात समझ नै ऐल्हौं
तोरॊ धात समझ नै ऐल्हौं
तोरॊ  रीत समझ नै ऐल्हौं
तोरॊ  गीत समझ नै ऐल्हौं
ऐल्हौं तॆ बस ----
नथ,बुलाक आरू पैजनिया 

सघन करियॊ घटा  दलमल उमतैलॊ छै
व्योम विस्तृत भाल बेवजह हदियैलॊ छै
जगह जगह झरना  झर झर झरझरैलॊ छै
सजनी जे मिललॆ राहॊ मॆं मन भरमैलॊ छै
तोरॊ  बात समझ नै ऐल्हौं
तोरॊ धात समझ नै ऐल्हौं
तोरॊ  रीत समझ नै ऐल्हौं
तोरॊ  गीत समझ नै ऐल्हौं
ऐल्हौं तॆ बस ----
नथ,बुलाक आरू पैजनिया 

छुमछुम छनन  छन बाजे  तोरॊ पाँव पैजनिया
चरम उत्कर्ष के छटा बाँधै बुलाक आरू नथनिया
संगीत -छटा केरॊ इ संगम सॆं  हीं जीवन उपलैलॊ छै
सजनी जे मिललॆ राहॊ मॆं मन भरमैलॊ छै
तोरॊ  बात समझ नै ऐल्हौं
तोरॊ धात समझ नै ऐल्हौं
तोरॊ  रीत समझ नै ऐल्हौं
तोरॊ  गीत समझ नै ऐल्हौं
ऐल्हौं तॆ बस ----
नथ,बुलाक आरू पैजनिया 

Angika Poetry : Nath Bulak Aaroo Paijania
Poetry from Angika Poetry Book : Sarang
Poet : Kundan Amitabh
Please visit  angika.com  for more Angika language Poetry