विकास धरपट

विकास धरपट

--- कुंदन अमिताभ ---

विकास तॆ खूब होलॊ छै हिन्नॆ !

हिन्नॆ कुछ सालॊ मॆं विकास धरपट होलॊ छै !

बेरोजगारी कमलॊ छै - पलायन बढ़लॊ छै

जनसंख्या कमलॊ छै - लङका-बच्चा बढ़लॊ छै

दूरी घटलॊ छै - परिवहन के साधन बढ़लॊ छै

विकास तॆ खूब होलॊ छै हिन्नॆ !

हिन्नॆ कुछ सालॊ मॆं विकास धरपट होलॊ छै !

अफसर बढ़लॊ छै - किसान घटलॊ छै

राज्य बढ़लॊ छै   - भाषा घटलॊ छै 

मोबाईल बढ़लॊ छै - संवाद घटलॊ छै

विकास तॆ खूब होलॊ छै हिन्नॆ !

हिन्नॆ कुछ सालॊ मॆं विकास धरपट होलॊ छै !

कच्चा घॊर बढ़लॊ छै - पक्का मंदिर बढ़लॊ छै

तीर्थ यात्री बढ़लॊ छै - तीर्थ यात्रा घटलॊ छै
काँवरिया बढ़लॊ छै - श्रद्धालु घटलॊ छै
विकास तॆ खूब होलॊ छै हिन्नॆ !

हिन्नॆ कुछ सालॊ मॆं विकास धरपट होलॊ छै !

कनेक्टिविटी  बढ़लॊ छै - गाँव गाँव कटलॊ छै

कानून घटलॊ छै - भ्रष्टाचार  बढ़लॊ छै
अंधविश्वास  घटलॊ छै - अंधमानसिकता बढ़लॊ छै 

विकास तॆ खूब होलॊ छै हिन्नॆ !

हिन्नॆ कुछ सालॊ मॆं विकास धरपट होलॊ छै !

विरोधी स्वर घटलॊ छै -  तानाशाही प्रवृति बढ़लॊ छै 

धार्मिकता  बढ़लॊ छै - धार्मिक प्रहार  बढ़लॊ छै 

देशभक्त बढ़लॊ छै - देशभक्ति घटलॊ छै

विकास तॆ खूब होलॊ छै हिन्नॆ !

हिन्नॆ कुछ सालॊ मॆं विकास धरपट होलॊ छै !

Angika Poetry : Vikash Dharpat
Poetry from Angika Poetry Book Collection : Sarang
Poet : Kundan Amitabh
Please visit  angika.com  for more Angika language Poetry