Wednesday, June 1, 2005

कश्मीर केरऽ लोर

—– कुंदन अमिताभ —–

नद्दी उफनी-उफनी क शहरौ मँ बहै छै
लहू अबै नसौ मँ नै सड़कौ पर बहै छै ।
डार सुखलौ प्यार के पत्ता झरी गेलै
बीयाबानौ मँ बस जालिम हवा बहै छै ।
धूरा-बवंडर मँ लेबझलौ शहरौ के पॊर
धोधैलौ रेत सगर बेसुमार बहै छै ।
कन-कन ठार जिगर धुंध व कोहासौ सगर
जिहादी धार मँ स्वर्ग व आजादी बहै छै ।
छिरियलै आतँकी आगिन झरखलै सँसार
लोर कश्मीर के सँघरलै त जग दहै छै ।
Angika Poetry : Kashmir Kerow Lor
Poetry from Angika Poetry Book Collection : Dhamas
Poet : Kundan Amitabh

Please visit  angika.com  for more Angika language Poetry