कैन्हॆं कि
—– कुंदन अमिताभ —–
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - हमरा चुप्पे रहना छै ?
कहना छै हमरौ बहुत कुछ कहना छै.
या कि जुबान होथौं छियै हम्मॆं बेजुबान
एकरॊ की मतलब - हमरा चुप्पे रहना छै ?
कहना छै हमरौ बहुत कुछ कहना छै.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - की हम्मॆं केखरौ सॆं डरै छियै?
सोचै छियै तोंय भगवान सॆं तॆ डरॊ कम सॆं कम.
या कि जुबान होथौं छियै हम्मॆं बेजुबान
एकरॊ की मतलब - की हम्मॆं केखरौ सॆं डरै छियै?
सोचै छियै तोंय भगवान सॆं तॆ डरॊ कम सॆं कम.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - हमरा कोनॊ तकलीफ नै?
तकलीफ रहथौं खुश रहै के इलम सीखै छियै.
या कि जुबान होथौं छियै हम्मॆं बेजुबान
एकरॊ की मतलब - हमरा कोनॊ तकलीफ नै?
तकलीफ रहथौं खुश रहै के इलम सीखै छियै.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - हमरा मॆ कोय भावना नै?
भावना जाहिर करै लॆ शब्द कम पड़ी जाय छै.
या कि जुबान होथौं छियै हम्मॆं बेजुबान
एकरॊ की मतलब - हमरा मॆ कोय भावना नै?
भावना जाहिर करै लॆ शब्द कम पड़ी जाय छै.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - हँसला सॆं होय जाय छियै बेहाया?
हँसी - हँसी कॆ जिनगी के गंभीरता महसूस करै छियै.
या कि जुबान होथौं छियै हम्मॆं बेजुबान
एकरॊ की मतलब - हँसला सॆं होय जाय छियै बेहाया?
हँसी - हँसी कॆ जिनगी के गंभीरता महसूस करै छियै.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - तोरॊ हर उत्पात माफ करी देभौं?
उत्पात सॆं निजात लॆ तोरॊ न्यायी बनै के इंतजार करै छियै.
या कि जुबान होथौं छियै हम्मॆं बेजुबान
एकरॊ की मतलब - तोरॊ हर उत्पात माफ करी देभौं?
उत्पात सॆं निजात लॆ तोरॊ न्यायी बनै के इंतजार करै छियै.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - हमरा बारे मॆं गलतफहमी फैलैतॆं रहभॊ जनमानस मॆं ?
तोरॊ स्वार्थ कॆ निःस्वार्थ भावना मॆं बदलै के इंतजार करै छियै.
या कि जुबान होथौं छियै हम्मॆं बेजुबान
एकरॊ की मतलब - हमरा बारे मॆं गलतफहमी फैलैतॆं रहभॊ जनमानस मॆं ?
तोरॊ स्वार्थ कॆ निःस्वार्थ भावना मॆं बदलै के इंतजार करै छियै.
कैन्हॆं कि जुबान छै हमरॊ बेजुबान
या कि जुबान होथौं छियै हम्मॆं बेजुबान
एकरॊ की मतलब - मोबाईल पर रोज बात नै करला पर होलियै परायॊ ?
मोबाईल पर रोजे बात करना ही फिक्रमंद के निशानी नै छेकै समझाबै के चेष्टा करै छियै.
Angika Poetry : Kanhe ki
Poetry from Angika Poetry Book Collection : Sarang
Poet : Kundan Amitabh
No comments:
Post a Comment